Merkel gagnrýnir peningamálastefnu stóru seðlabankanna

Angela Merkel, kanslari Þýskalands, hefur sett fram harða gagnrýni á Seðlabanka Bandaríkjanna, Englandsbanka og Seðlabanka Evrópu. Hún segir að þær óhefðbundnu aðgerðir bankanna í peningamálum líklegri til að auka fjármálakrísu heimsins frekar en draga úr henni. Gagnrýnina setti hún fram á ráðstefnu í Berlín í gær.

Þessi gagnrýni kemur nokkuð á óvart þar sem Merkel hefur hingað til haldið í þá hefð Þjóðverja að tjá sig lítið sem ekkert um peningamálastefnu, meðal annars til þess að vernda sjálfsstæði seðlabankans.

Hún sagði nauðsynlegt að umbreyta því sem aðrir seðlabankar hafa verið að gera. Hún hefði miklar efasemdir um umfang aðgerða Bandaríska seðlabankans og hvernig Englandsbanki hefur sett mark á peningastefnu í Evrópu. Þá hafi jafnvel seðlabanki Evrópu beygt sig undan alþjóðlegum þrýstingi með kaupum sínum á sértryggðum skuldabréfum.

„Við verðum taka á ný upp sjálfstæða og skynsamlega peningastefnu. Annars verðum við komin í sömu spor og við erum í núna eftir tíu ár," sagði Merkel.