Inzaghi skoraði þrennu í stórsigri Milan

Gamla brýnið Filippo Inzaghi hjá AC Milan var heldur betur í stuði í kvöldleiknum á Ítalíu þegar hann skoraði þrennu í 5-1 sigri liðsins á Torino.

Þetta var önnur þrenna hins 35 ára gamla markahróks á skömmum tíma, en hann skoraði þrjú fyrstu mörk leiksins í kvöld. Fyrrum Juventus framherjann vantar nú aðeins eitt mark í að ná 150 marka múrnum í A-deildinni á ferlinum.

Með sigrinum komst Milan upp að hlið Juventus sem situr í öðru sæti deildarinnar, en liðin eru tíu stigum á eftir meisturum Inter.

AC Milan 5 - 1 Torino

1-0 F. Inzaghi (13.)

2-0 F. Inzaghi (37.)

3-0 F. Inzaghi (60.)

4-0 Kaká (68. vsp)

4-1 I. Franceschini (80.)

5-1 M. Ambrosini (90.)