Trappatoni er sjötugur í dag

Ítalski knattspyrnuþjálfarinn Giovanni Trappattoni, sem í dag er landsliðsþjálfari Íra, er sjötugur í dag.

Trappattoni er sigursælasti þjálfari allra tíma í ítalska boltanum og spannar ferill hans 35 ár. Hann hóf þjálfaraferil sinn hjá Milan og hefur líka stýrt Inter og Juventus.

Trappattoni hefur unnið tíu Ítalíumeistaratitla á þjálfaraferlinum, en hann hefur líka unnið meistaratitla með Bayern, Benfica og Red Bull Salzburg. Þá hefur hann unnið alla Evróputitla sem í boði eru.