Adriano: Ég hef það fínt

Brasilíumaðurinn Adriano hjá Inter Milan segist hafa það fínt í heimalandi sínu og blæs á kjaftasögur sem sagðar hafa verið af honum í brasilísku pressunni undanfarna daga.

"Fólk hélt að ég væri dauður og margt hefur verið sagt um mig. Ég hef það hinsvegar fínt og er heima með fjölskyldunni. Ég hef átt í erfiðleikum á Ítalíu undanfarið en ég vil ekki fara nánar út í það," sagði Adriano í samtali við dagblað í heimalandi sínu.

Móðir hans treystir á æðri máttarvöld og vonar að allt fari vel að lokum hjá vandræðagemlingnum sínum.

"Ég bið fyrir honum. Ég er að gera allt sem ég get til að hjálpa. Þetta mun allt jafna sig með hjálp Guðs og fjölskyldunnar," sagði Rosilda móðir framherjans.