Endurmenntunarnámskeið Páll Baldvin Baldvinsson skrifar 20. janúar 2009 06:00 Í gömlum harðstjórnarríkjum liðinnar aldar voru þeir andófsmenn sem settu sig gegn ríkjandi reglum settir á námskeið og þar var barið í þá nýtt lífsviðhorf í þágu þjóðar og flokks. Oftast voru menn sendir á einhvern útnárann og látnir vinna harðneskjulega vinnu meðan reynt var að heilaþvo þá með ríkjandi gildum harðstjóranna. Fyrir helgina fréttist af endurmenntunarnámskeiðum starfsfólks Glitnis þar sem hert var á nýjum starfsreglum bankans. Áhugamenn um nýtt gildismat hljóta að spyrja hvort ekki er þörf á endurmenntun víðar og þá er eðlilega spurt um námsefni: einhver stakk upp á Hávamálum til að byrja með. Lendir það ekki á hagfræðideildum háskólanna að kalla inn viðskiptafræðinga og MBA-ara síðustu tíu ára og taka þá í læri á ný? Viðskiptaráðið, forystusveit atvinnurekenda, verður að mæta á þannig námskeið, einkum í ljósi þess að flest fyrirtæki landsins eru komin á hnén og falla brátt á hausinn, lenda á eignaskrá bankanna. Hin stórkostlega og víðtæka hlutafélagavæðing er enda komin fyrir björg. Almenningur mun ekki leggja krónu í hlutafé nokkurs fyrirtækis næsta áratuginn. Líklega hefur hlutafélagahugsjóninni verið veitt náðarhögg sem dugar minnst tvær kynslóðir. Enda fátt orðið eftir af sparisjóðum venjulegs fólks sem verður að berjast við að halda þaki yfir höfuðið næstu árin. Og ekki hafa síðustu árgangar úr fornum skólum samvinnuhreyfingarinnar lært neitt um þær merku hugsjónir, nema helst víðtæka samvinnu um að rotta sig saman í eiginhagsmunaskyni og fullnuma sig í klækjum. Því er beðið með eftirvæntingu auglýsinga um námskeið í nýjum hugsjónum atvinnurekstrar á vegum háskólanna með endurskoðuðu pensúmi. Því er treyst að Svafa Grönfeldt hafi forystu um málið. Lagt er til að stofnað verði útibú við ystu strönd og áhugasömum verði fundið húsnæði í verbúð. Þar duga engin vettlingatök. Ef menn verða í vandræðum með kennara má leita í klassíkina og kennsluefnið: hin fornu rit eingyðistrúarinnar, Biblíu og Kóran, forn spekirit búddískra fræða og hindúismans. Okkur vantar ekki nýjar grundvallarreglur, heldur eldgamlar. Viltu birta grein á Vísi? Sendu okkur póst. Senda grein Páll Baldvin Baldvinsson Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Í gömlum harðstjórnarríkjum liðinnar aldar voru þeir andófsmenn sem settu sig gegn ríkjandi reglum settir á námskeið og þar var barið í þá nýtt lífsviðhorf í þágu þjóðar og flokks. Oftast voru menn sendir á einhvern útnárann og látnir vinna harðneskjulega vinnu meðan reynt var að heilaþvo þá með ríkjandi gildum harðstjóranna. Fyrir helgina fréttist af endurmenntunarnámskeiðum starfsfólks Glitnis þar sem hert var á nýjum starfsreglum bankans. Áhugamenn um nýtt gildismat hljóta að spyrja hvort ekki er þörf á endurmenntun víðar og þá er eðlilega spurt um námsefni: einhver stakk upp á Hávamálum til að byrja með. Lendir það ekki á hagfræðideildum háskólanna að kalla inn viðskiptafræðinga og MBA-ara síðustu tíu ára og taka þá í læri á ný? Viðskiptaráðið, forystusveit atvinnurekenda, verður að mæta á þannig námskeið, einkum í ljósi þess að flest fyrirtæki landsins eru komin á hnén og falla brátt á hausinn, lenda á eignaskrá bankanna. Hin stórkostlega og víðtæka hlutafélagavæðing er enda komin fyrir björg. Almenningur mun ekki leggja krónu í hlutafé nokkurs fyrirtækis næsta áratuginn. Líklega hefur hlutafélagahugsjóninni verið veitt náðarhögg sem dugar minnst tvær kynslóðir. Enda fátt orðið eftir af sparisjóðum venjulegs fólks sem verður að berjast við að halda þaki yfir höfuðið næstu árin. Og ekki hafa síðustu árgangar úr fornum skólum samvinnuhreyfingarinnar lært neitt um þær merku hugsjónir, nema helst víðtæka samvinnu um að rotta sig saman í eiginhagsmunaskyni og fullnuma sig í klækjum. Því er beðið með eftirvæntingu auglýsinga um námskeið í nýjum hugsjónum atvinnurekstrar á vegum háskólanna með endurskoðuðu pensúmi. Því er treyst að Svafa Grönfeldt hafi forystu um málið. Lagt er til að stofnað verði útibú við ystu strönd og áhugasömum verði fundið húsnæði í verbúð. Þar duga engin vettlingatök. Ef menn verða í vandræðum með kennara má leita í klassíkina og kennsluefnið: hin fornu rit eingyðistrúarinnar, Biblíu og Kóran, forn spekirit búddískra fræða og hindúismans. Okkur vantar ekki nýjar grundvallarreglur, heldur eldgamlar.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun