Beckham leigir í rauða hverfinu í Mílanó

Breska blaðið Sun segir að David Beckham sé þegar búinn að finna sér íbúð á leigu í Mílanó þar sem hann ætlar að búa þegar hann fer á lánssamningi til AC Milan í janúar.

Staðsetningin þykir að dómi blaðsins ekki sérlega góð, því íbúðin mun vera í fimm mínútna göngufæri við rauða hverfið í borginni. Þar hópist saman vændiskonur, klæðskiptingar, eiturlyfjasalar og dólgar.

The Sun segir að Beckham ætli að búa einn í íbúðinni þegar hann flytur til Ítalíu í janúar og því hafi hann valið íbúð á þessu svæði.

Búist var við að hann myndi velja lúxusíbúð í grennd við verslunargöturnar í Mílanó til að þóknast konu sinni Victoriu, en hún mun verða eftir í Los Angeles að sögn blaðsins.