Mourinho ræddi við blaðamenn

Jose Mourinho hélt í morgun sinn fyrsta blaðamannafund sem þjálfari Inter. Hann sagði að stefna sín væri að leiða Inter enn hærra.

„Ég tel mig vera kominn til sérstaks félags. Ég tel mig vera frábæran þjálfara en ég er ekki sá sérstaki," sagði Jose Mourinho með bros á vör. „Það hefur alltaf verið stefna mín að þjálfa stórlið á Ítalíu. Ég vil þakka Massimo Moratti og Marco Branca fyrir að hafa gefið mér þetta tækifæri," sagði Mourinho.

Spennandi verður að sjá hvaða leikmenn Mourinho fær til Inter í sumar en nöfn eins og Frank Lampard, Deco og Michael Essien hafa verið í umræðunni.