Argentínski framherjinn Hernan Crespo hjá Inter hefur lýst því yfir að hann væri alveg til í að ganga í raðir Roma á næstu leiktíð. Crespo hefur lítið fengið að spila með Inter í vetur.
Þeir Zlatan Ibrahimovic og Julio Cruz hafa náð mjög vel saman í framlínu Inter og það hefur þýtt að markamaskínan Crespo hefur ekki fengið nema 10 leiki með liðinu.
"Mér líður ágætlega hjá Inter en Roma er frábært lið og það er eðlilegt að mann dreymi um að spila með Totti," sagði Crespo - en Inter mætir einmitt Roma í A-deildinni í kvöld þar sem Rómverjar reyna að minnka níu stiga forskot Inter á toppnum.
