Inter með 8 stiga forystu á Ítalíu

Zlatan Ibrahimovic skoraði sigurmark meistara Inter Milan úr vafasamri vítaspyrnu í dag þegar liðið lagði Empoli 1-0 og náði átta stiga forskoti í ítölsku A-deildinni.

Þetta er ekki í fyrsta skipti í vetur sem meistararnir tryggja sér sigur á vafaatvikum og heppnin virtist ekki ætla að verða á þeirra bandi í dag.

Markvörðurinn Julio Cesar varði vítaspyrnu fyrir Inter seint í leiknum í dag, en meistararnir léku manni færri frá 39. mínútu eftir að miðjumanninum Patrick Vieira var vikið af leikvelli.

Inter er með 53 stig eftir 21 leik en Roma er enn með 45 stig í öðru sæti eftir að hafa fengið óvæntan skell gegn Siena á útivelli. Juventus er í þriðja sætinu 12 stigum á eftir Inter eftir að hafa gert 1-1 jafntefli við slakt lið Cagliari.