Van der Vaart nálgast Juventus

Ítalskir fjölmiðlar segja að Juventus hafi náð samkomulagi um kaup á Rafael van der Vaart.

Samkvæmt heimildum þeirra mun hollenski landsliðsmaðurinn ganga til liðs við Juventus næsta sumar fyrir ellefu milljónir punda.

Van der Vaart hefur skorað 26 mörk í 59 leikjum í þýsku deildinni. Hann er gríðarlega hæfileikaríkur miðjumaður en hefur átt í erfiðleikum á sínum ferli og meðal annars þurft að glíma við þunglyndi.

Samningur leikmannsins við þýska liðið Hamburg rennur út næsta sumar og hefur hann neitað að skrifa undir nýjan. Taldar eru líkur á því að Juventus tilkynni um samkomulagið í næstu viku.

Van der Vaart hefur einnig verið orðaður við Chelsea.