Mourinho: Það er enginn betri en ég

Jose Mourinho þjálfari Inter hefur gengið undir gælunafninu "sá einstaki" í fjölmiðlum allar götur síðan á frægum blaðamannafundi þegar hann tók við liði Chelsea árið 2004.

Nafnið hefur fylgt Mourinho til Ítalíu og Portúgalinn hafi áhugaverða hluti að segja um það í samtali við Gazzetta Dello Sport.

"Þegar ég kom til London sagði ég að ég væri bara venjulegur þjálfari, en með einstakt lið. Daginn eftir var ég orðinn "sá einstaki" í blöðunum. Ég mundi ekki segja að ég væri einstakur. Kannski er ég ekki besti þjálfari í heimi, en mér finnst samt enginn þjálfari betri en ég," sagði Mourinho.