Umboðsmaður Karim Benzema segir að forráðamenn Lyon hafi rætt við Manchester United, Real Madrid og Barcelona um mögulega sölu á framherjanum Karim Benzema.
„Ég veit að Lyon hefur rætt við öll þessi félög sem hafa mikinn áhuga á að fá Benzema fyrir næsta tímabil," sagði Karim Djaziri, umboðsmaður Benzema.
Lyon hefur hingað til hafnað öllum tilboðum sem borist hafa í Benzema en það gæti verið erfitt að halda honum hjá félaginu í eitt tímabil til viðbótar.
