Forréttur fyrir 4
12 stk risahörpudiskur
1 stk kiwano ávöxtur
1 stk rautt chilli
1 rif hvítlaukur
2 msk hvít sesamfræ ristuð
4 msk ostrusósa
4 msk sesam olía
Salt og pipar
Aðferð
Þerrið hörpuskelina vel. Kreystið kiwano ávöxtinn í skál. Saxið chilli piparinn fínt og bætið út í. Bætið einnig sesamfræjunum út í ásamt rifnum hvítlauknum.
Skerið hörpuskelina í bita og blandið við. Bætið ostrusósunni út í ásamt sesamolíunni og kryddið með salti og pipar.
Setjið í viðeigandi skálar og brennið toppinn með brennara. Skreytið með graslauk.
Einnig er gaman að setja herlegheitin á klaka og bera fram þannig.
