Loksins sigur hjá Juventus

Juventus vann í dag sinn fyrsta sigur í ítölsku úrvalsdeildinni síðan 21. september er liðið lagði granna sína í Torino með einu marki gegn engu.

Amauri Carvalho skoraði eina marki leiksins 48. mínútu en Juventus náði í vikunni að leggja Real Madrid í Meistaradeild Evrópu.

Liðið er þó í tíunda sæti deildairnnar með tólf stig en ekki nema fjórum stigum á eftir toppliði Inter sem á þó leik til góða.

Einn annar leikur fór fram í ítölsku úrvalsdeildinni í dag. Siena og Catania gerðu 1-1 jafntefli.