Þjálfari Reggina rekinn

Nevio Orlandi var sagt upp störfum sem þjálfari ítalska úrvalsdeildarfélagsins Reggina í dag og Giuseppe Pillon ráðinn í hans stað.

Reggina er í næstneðsta sæti deildarinnar með tólf stig eftir sextán leiki. Emil Hallfreðsson er á mála hjá Reggina.

Pillon er 52 ára gamall og hefur komið víða við á sínum ferli. Síðast þjálfaði hann B-deildarlið Treviso en fór frá því félagi í sumar.

Orlandi var ráðinn í mars síðastliðnum og náði að forða liðinu frá falli úr úrvalsdeildinni.

Emil hefur komið við sögu í sex deildarleikjum á tímabilinu, þar af þrisvar sem byrjunarliðsmaður. Hann hefur yfirleitt verið í leikmannahópi liðsins.