Lucio á óskalista AC Milan

Ítalska liðið AC Milan hyggst reyna að krækja í brasilíska varnarmanninn Lucio eftir að leikmaðurinn tilkynnti að hann gæti yfirgefið þýska liðið Bayern München eftir leiktímabilið.

Lucio sagði að draumur sinn væri að leika á Ítalíu eða á Spáni.

Juventus og Roma reyndu að kaupa leikmanninn árið 2004 og ekki er ólíklegt að þessi lið muni endurvekja sinn áhuga og veita Milan samkeppni.

AC Milan þarf á nýjum varnarmanni að halda eftir tímabilið en Paolo Maldini er að fara að leggja skóna á hilluna. Hinn 29 ára Lucio er talinn tilvalinn til að fylla skarð Maldini.