Collina undir verndarvæng lögreglu

Pierluigi Collina, einn besti knattspyrnudómari allra tíma, hlýtur lögregluvernd um þessar mundir vegna fjölda hótunarbréfa sem hann hefur fengið í pósti.

Lögreglan rannsakaði bréfin og taldi þau nægilega alvarleg til að Collina yrði undir verndarvæng þeirra.

Þessi 47 ára Ítali er hættur að dæma en starfar sem yfirmaður dómaramála hjá ítalska knattspyrnusambandinu og sér um að raða niður dómurum á leiki í tveimur efstu deildum ítalska boltans.

Hann hefur hlotið lögregluvernd í um mánuð en þrátt fyrir ástandið segist hann ekki ætla að láta af störfum.