Skipt á Riquelme og Tiago?

Spænska blaðið Marca segir að Villareal ætli að freistast til þess að bjóða Juventus Juan Roman Riquelme í skiptum fyrir Tiago Mendes. Sjálfur hefur Tiago opinberað að vera ósáttur við hlutverk sitt hjá Juventus.

Villareal vill fá Tiago í sínar raðir og ætlar að reyna að nota Riquelme til að verða að ósk sinni. Argentínski landsliðsmaðurinn Riquelme er óánægður hjá spænska liðinu og vill komast burt.

Juventus borgaði um 880 milljónir króna fyrir Tiago þegar hann var keyptur frá Lyon í sumar. Verðmiðinn á Riquelme er 630 milljónir króna.