Endeavour lögð af stað

Endeavour er á vegum Nasa. Þetta er önnur mannaða geimför af fjórum sem Nasa hefur áætlað á þessu ári.

Sjö manna áhöfn er um borð. Þeirra á meðal er fyrrverandi kennarinn Barbara Morgan, sem var staðgengill Christa McAuliffe sem lést þegar Challenger ferjan fórst árið 1986.

Ætlunarverk Endeavour er að betrumbæta geimstöðina sem á að vera tilbúin fyrir árið 2010. Þrjár geimgöngur eru fyrirhugaðar utan á stöðinni.

Endeavour hefur ekki tekist á loft síðan Columbia geimferjan fórst með sjö manna áhöfn árið 2003. Skutlan hefur gengist undir miklar endurbætur frá síðasta flugi. Fulltrúar Nasa segja hana eiginlega alveg nýja.