Pollack dregur sig í hlé vegna veikinda

Hinn 73 ára kvikmyndaleikstjóri Sydney Pollack hefur dregið sig í hlé sem leikstjóri pólitískrar dramamyndar sem hann ætlaði að hefja vinnu við nú í haust. Myndin fjallar um líf fólks sem tók þátt í að endurtelja atkvæðin í Flórída í bandarísku forsetakosningunum árið 2000.

Nánari upplýsingar um veikinda Pollacks hafa ekki fengist en talsmaður hans segir ekki raunhæft fyrir hann að hefja framleiðslu að svo stöddu.

Jay Roach sem leikstýrði gamanmyndunum Meet the Parents og Austin Powers mun taka við leikstjórn myndarinnar og er hún væntanleg árið 2008. Pollack mun þó áfram taka þátt í gerð hennar sem einn af aðal framleiðendum.

Pollack hlaut ósakrðsverðlaunin fyrir gamanmyndina Tootsie með Dustin hoffman. Hann hefur meðal annars leikstýrt myndunum Out of Africa, Three Days of Condor og The Firm. Síðast leikstýrði hann The Interpreter með Nicole Kidman og Sean Penn.