Adriano dæmdur í tveggja leika bann fyrir leikaraskap

Aganefnd ítölsku úrvalsdeildarinnar hefur dæmt brasilíska sóknarmanninn Adriano, leikmann Inter, í tveggja leikja bann fyrir leikaraskap. Adriano létt sig falla í vítateig Roma þegar hann reyndi að leika fram hjá Alexander Doni, markverði Roma, í leik liðanna á miðvikudag.

Dómarinn dæmdi vítaspyrnu sem Marco Materazzi skoraði úr en hún dugði þó ekki til því Roma vann leikinn 3-1. Eftir að hafa skoðað myndbandsupptöku af atvikinu komst aganefnd Serie A að því að engin snerting hefði átt sér stað og því hefði Adriano orðið uppvís að leikaraskap á vellinum. Búist er við að Inter áfrýi dóminum.