Rithöfundurinn Thor Vilhjálmsson ræðir við kollega sinn frá Frakklandi, Edouard Glissant, í sérstakri dagskrá í tilefni af frönsku menningarkynningunni Pourquoi pas? á morgun.
Edouard Glissant er fræðimaður, rithöfundur og ljóðskáld og þekktur baráttumaður fyrir mannréttindum og endurvakningu afrískrar menningar. Hann hefur verið kallaður rödd blökkumanna í frönskum bókmenntum. Dagskráin hefst kl. 16 og fer hún fram í hátíðarsal Háskóla Íslands.
