Enn til miðar á Sykurmolana!

Enn eru til miðar á tónleikana. Það er ekki uppselt eins og margir halda og eru miðar til sölu í verslunum Skífunnar Kringlunni og Smáralind, BT Akureyri, Selfossi og Egilstöðum og á www.Midi.is. Miðaverð er 5.000 krónur, að viðbættu 350 kr miðagjaldi söluaðila.

Þegar hefur verið tilkynnt að hljómsveitin múm mun hita upp fyrir Sykurmolanna. Nú bætist hljómsveitin Rass og plötusnúðurinn DJ@mundo við dagskrá afmælistónleikanna. DJ@mundo hefur verið einn áhrifamesti plötusnúður landsins undanfarna tvo áratugi. Hann hefur haldið sig frá sviðsljósinu, að mestu, en látið að sér kveða í ráðgjafastarfi fyrir aðra íslenska plötusnúða varðandi tónlistarval. Þannig hefur hann lagt grunnin að líflegum tónlistarfluttningi hérlendra plötusnúða. Á afmælistónleikum Sykurmolanna og Smekkleysu mun DJ@mundo hins vegar stíga fram fyrir alþjóð. Rass mun sýna á sér nýja hlið á tónleikunum, bíður fram hina kinnina.

Húsið opnar kl. 19:00, tónleikarnir hefjast klukkan 20:00.