Rappkóngar Íslands 14. desember 2006 14:30 Frá heimsenda sýnir að Forgotten Lores eru ókrýndir kóngar íslenska rappsins. Orðfærni, flæði og flottir taktar. Ein af plötum ársins. Stjörnur: 5 Forgotten Lores er búin að vera í fremstu röð í íslenska rappinu síðustu ár. Fyrsta platan þeirra, Týndi hlekkurinn, sem kom út fyrir þremur árum, er ein af bestu íslensku rappplötunum. Síðan hún kom út hefur sveitin vakið verðskuldaða athygli fyrir öfluga frammistöðu á sviði, m.a. á Airwaves, en á tónleikum koma þeir fram með fullmannaða hljómsveit (FL Group). Það eru nokkur atriði sem gera Forgotten Lores að ókrýndum hip-hop kóngum Íslands. Í fyrsta lagi eru þeir sérstaklega færir rapparar. Algjörir yfirburðamenn. Þeir hafa gott vald á íslenskri tungu og flæðið hjá þeim er ótrúlegt. Í öðru lagi hefur sveitin innanborðs frábæra taktsmiði og plötusnúða. Algerlega sjálfbær hljómsveit sem þarf ekki hjálp frá neinum. Og í þriðja lagi virðist þetta vera mjög samheldinn hópur. Menn bara halda áfram að búa til flotta tónlist og brillera. Og ekkert rugl. Frá heimsenda er flottasta hip-hop plata sem hefur komið út á Íslandi í langan tíma. Töluvert betri en Týndi hlekkurinn. Þetta eru sextán lög, platan er rúmlega klukkutími að lengd og stútfull af flottum töktum og textum. Hvert snilldarlagið rekur annað. Ég ætlaði að telja upp bestu lögin, en það er eiginlega ekki hægt. Næstum því öll lögin á Frá heimsenda eru frábær. Hvað tónlistina varðar kraumar platan af lífi. Grúvið er allsráðandi. Það er vonlaust að sitja kyrr undir þessari tónlist. Fönk-áhrifin eru áberandi og alls konar tilþrif lífga upp á lögin; – gítar hér, píanó, flautuleikur eða skemmtileg röddun þar … Eins og áður segir hefur Forgotten Lores innanborðs færustu rappara landsins. Þeir Byrkir, Class B og Diddi Fel hafa allir mjög gott flæði og þeir kunna líka að rappa saman. Textarnir eru vel samdir og fullir af skemmtilegum hendingum. Ekki það að þeir séu að segja eitthvað merkilegt. Þetta eru mest hversdagsævintýri. Enginn djúpur boðskapur. Eins og stundum í rappinu þá er það ekki spurning um hvað þú ert að segja heldur hvernig þú kemur því frá þér. Frá heimsenda er besta íslenska hip-hop platan í langan tíma og ein af bestu plötum ársins 2006. Trausti Júlíusson Mest lesið Norah Jones: Tíminn stóð í stað þar til ljóskastarinn vakti mann Gagnrýni „Fólk sleppur ekkert auðveldlega frá mér“ Lífið „Þvílíkur fílingur bara“ Lífið Einbýli í Breiðholti úr smiðju Rutar Kára Lífið Staðfesta sambandsslitin Lífið Mun aldrei líta á ástina sem sjálfsagða Makamál Umboðsmaður Jenner lést af slysförum Lífið Anna Guðný fann ástina í faðmi kraflyftingamanns Lífið Vonbrigði að aðeins tvær konur komi fram á Kótelettunni Lífið Rósa og Hersir orðin foreldrar Lífið Fleiri fréttir „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Ástardúett Stuðmanna í nýjum búning Trúlofuðu sig á sama stað og þau byrjuðu saman Frumflutti nýtt lag á FM957: „Þetta er bara winning lag“ Cave vildi ekki taka þátt í „kjánalegri langloku“ Morrissey gegn „vók“ Tónlistarhátíðinni Lóu aflýst Eltir draumana og þarf að færa fórnir Brian Wilson látinn „Ég var ekki að búast við því að gráta svona“ Keyrði frá Sauðárkróki í Garðabæ fyrir einn gítartíma Heldur sér við efnið og burt frá efnunum Þykja skuggalega lík Fleetwood Mac „Okkur var ekkert cancelað, nema hann bara gerði það sjálfur“ Heitustu rapparar landsins í eina sæng Sjá meira
Forgotten Lores er búin að vera í fremstu röð í íslenska rappinu síðustu ár. Fyrsta platan þeirra, Týndi hlekkurinn, sem kom út fyrir þremur árum, er ein af bestu íslensku rappplötunum. Síðan hún kom út hefur sveitin vakið verðskuldaða athygli fyrir öfluga frammistöðu á sviði, m.a. á Airwaves, en á tónleikum koma þeir fram með fullmannaða hljómsveit (FL Group). Það eru nokkur atriði sem gera Forgotten Lores að ókrýndum hip-hop kóngum Íslands. Í fyrsta lagi eru þeir sérstaklega færir rapparar. Algjörir yfirburðamenn. Þeir hafa gott vald á íslenskri tungu og flæðið hjá þeim er ótrúlegt. Í öðru lagi hefur sveitin innanborðs frábæra taktsmiði og plötusnúða. Algerlega sjálfbær hljómsveit sem þarf ekki hjálp frá neinum. Og í þriðja lagi virðist þetta vera mjög samheldinn hópur. Menn bara halda áfram að búa til flotta tónlist og brillera. Og ekkert rugl. Frá heimsenda er flottasta hip-hop plata sem hefur komið út á Íslandi í langan tíma. Töluvert betri en Týndi hlekkurinn. Þetta eru sextán lög, platan er rúmlega klukkutími að lengd og stútfull af flottum töktum og textum. Hvert snilldarlagið rekur annað. Ég ætlaði að telja upp bestu lögin, en það er eiginlega ekki hægt. Næstum því öll lögin á Frá heimsenda eru frábær. Hvað tónlistina varðar kraumar platan af lífi. Grúvið er allsráðandi. Það er vonlaust að sitja kyrr undir þessari tónlist. Fönk-áhrifin eru áberandi og alls konar tilþrif lífga upp á lögin; – gítar hér, píanó, flautuleikur eða skemmtileg röddun þar … Eins og áður segir hefur Forgotten Lores innanborðs færustu rappara landsins. Þeir Byrkir, Class B og Diddi Fel hafa allir mjög gott flæði og þeir kunna líka að rappa saman. Textarnir eru vel samdir og fullir af skemmtilegum hendingum. Ekki það að þeir séu að segja eitthvað merkilegt. Þetta eru mest hversdagsævintýri. Enginn djúpur boðskapur. Eins og stundum í rappinu þá er það ekki spurning um hvað þú ert að segja heldur hvernig þú kemur því frá þér. Frá heimsenda er besta íslenska hip-hop platan í langan tíma og ein af bestu plötum ársins 2006. Trausti Júlíusson
Mest lesið Norah Jones: Tíminn stóð í stað þar til ljóskastarinn vakti mann Gagnrýni „Fólk sleppur ekkert auðveldlega frá mér“ Lífið „Þvílíkur fílingur bara“ Lífið Einbýli í Breiðholti úr smiðju Rutar Kára Lífið Staðfesta sambandsslitin Lífið Mun aldrei líta á ástina sem sjálfsagða Makamál Umboðsmaður Jenner lést af slysförum Lífið Anna Guðný fann ástina í faðmi kraflyftingamanns Lífið Vonbrigði að aðeins tvær konur komi fram á Kótelettunni Lífið Rósa og Hersir orðin foreldrar Lífið Fleiri fréttir „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Ástardúett Stuðmanna í nýjum búning Trúlofuðu sig á sama stað og þau byrjuðu saman Frumflutti nýtt lag á FM957: „Þetta er bara winning lag“ Cave vildi ekki taka þátt í „kjánalegri langloku“ Morrissey gegn „vók“ Tónlistarhátíðinni Lóu aflýst Eltir draumana og þarf að færa fórnir Brian Wilson látinn „Ég var ekki að búast við því að gráta svona“ Keyrði frá Sauðárkróki í Garðabæ fyrir einn gítartíma Heldur sér við efnið og burt frá efnunum Þykja skuggalega lík Fleetwood Mac „Okkur var ekkert cancelað, nema hann bara gerði það sjálfur“ Heitustu rapparar landsins í eina sæng Sjá meira
