Erlendir upptökustjórar bjóða fram krafta sína 2. nóvember 2006 18:00 Hljómsveitin Shadow Parade hefur gefið út sína fyrstu plötu, Dubious Intentions. Málverkið á umslagi plötunnar er eftir Þránd Þórarinsson. Frumburður hljómsveitarinnar Shadow Parade, Dubious Intentions, er kominn út. Freyr Bjarnason spjallaði við söngvarann Begga Dan um plötuna og þann langa tíma sem hún tók í vinnslu. Platan inniheldur ellefu lög og hefur tónlistinni verið lýst sem lágstemmdu nýrokki í líkingu við hljómsveitir eins og Coldplay, Radiohead, Elbow og Jeff Buckley. Þegar hafa nokkur lög af plötunni hljómað í útvarpi við töluverðar vinsældir.Eitt ár í upptökumHljómsveitin annaðist sjálf upptökustjórn og upptökur plötunnar í hljóðveri sínu, Stúdíó Sorpu. Hinn reyndi hljóðmaður og upptökustjóri Óskar Páll Sveinsson sá um hljóðblöndun og eftirvinnslu.Söngvarinn Beggi Dan játar að upptökurnar hafi staðið alltof lengi yfir. „Ég held að upptökuferlið hafi tekið um eitt ár. Við vorum að gera þetta á kvöldin og um helgar í stúdíói sem við byggðum í kringum þetta,“ segir Beggi.Mannlegra elementShadow Parade var stofnuð í janúar árið 2004 af Begga og Jóni Gunnari Margeirssyni. Upphaflega var hljómsveitin rafdúett en seinna meir bættust bræðurnir Andri og Magnús Magnússynir í hópinn og áherslan var færð á rokk og ról. Síðan þá hafa þeir Örn Eldjárn og Bjarni Margeirsson gengið til liðs við sveitina. „Við byrjuðum í lágstemmdri elektróník. Lögin sem eru á plötunni eru flest til í þeim útsetningum. Við vorum tveir í þessu þá en okkur langaði til að fá meira mannlegt element í þetta og fengum bræðurna Andra og Magna. Þá var stemningin allt öðruvísi,“ segir Beggi. „Sum lögin á plötunni eru orðin fimm til sex ára gömul. Við höfum náð að móta þau og þróa eins og við viljum hafa þau.“ Áhugasamir upptökustjórarÞrír erlendir upptökustjórar hafa sýnt Shadow Parade áhuga og vilja taka upp næstu plötu sveitarinnar. Á meðal þeirra er Andy Johns sem hefur unnið með frægum sveitum á borð við Led Zeppelin við plötuna IV og The Rolling Stones er þeir gerðu Exile on Main Street. Einnig hefur hann m.a. unnið með Jimi Hendrix, Rod Stewart og Van Halen. Hinir tveir upptökustjórarnir hafa unnið með stórum nöfnum á borð við Korn, Metallica, Guns N"Roses og Low. „Við erum að hugsa um að gera næstu plötu öðruvísi og fá aðstoð. Við viljum gera þetta á einum þéttum mánuði,“ segir Beggi og bætir því við að sveitin sé þegar farin að semja lög á þá plötu. Til Bandaríkjanna í marsErlend útgáfufyrirtæki hafa einnig sýnt hljómsveitinni áhuga og vilja dreifa plötunni. Kemur hún væntanlega út erlendis í tveimur til þremur löndum eftir áramót.Útgáfutónleikar Shadow Parade verða í Tjarnarbíói hinn 18. nóvember. Í mars á næsta ári eru síðan fyrirhugaðir tónleikar í þremur borgum í Bandaríkjunum, þar á meðal New York.Þess má geta að málverk eftir myndlistarmanninn Þránd Þórarinsson sem hefur verið í læri hjá hinum heimsfræga málara Odd Nerdrum prýðir umslag nýju plötunnar en listakonan Tinna Kirsuber sá um aðra listsköpun. Menning Mest lesið Norah Jones: Tíminn stóð í stað þar til ljóskastarinn vakti mann Gagnrýni „Þvílíkur fílingur bara“ Lífið „Fólk sleppur ekkert auðveldlega frá mér“ Lífið Vonbrigði að aðeins tvær konur komi fram á Kótelettunni Lífið Einbýli í Breiðholti úr smiðju Rutar Kára Lífið Staðfesta sambandsslitin Lífið Umboðsmaður Jenner lést af slysförum Lífið Mun aldrei líta á ástina sem sjálfsagða Makamál Rósa og Hersir orðin foreldrar Lífið Anna Guðný fann ástina í faðmi kraflyftingamanns Lífið Fleiri fréttir „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Ástardúett Stuðmanna í nýjum búning Trúlofuðu sig á sama stað og þau byrjuðu saman Frumflutti nýtt lag á FM957: „Þetta er bara winning lag“ Cave vildi ekki taka þátt í „kjánalegri langloku“ Morrissey gegn „vók“ Tónlistarhátíðinni Lóu aflýst Eltir draumana og þarf að færa fórnir Brian Wilson látinn „Ég var ekki að búast við því að gráta svona“ Keyrði frá Sauðárkróki í Garðabæ fyrir einn gítartíma Heldur sér við efnið og burt frá efnunum Þykja skuggalega lík Fleetwood Mac „Okkur var ekkert cancelað, nema hann bara gerði það sjálfur“ Heitustu rapparar landsins í eina sæng Sjá meira
Frumburður hljómsveitarinnar Shadow Parade, Dubious Intentions, er kominn út. Freyr Bjarnason spjallaði við söngvarann Begga Dan um plötuna og þann langa tíma sem hún tók í vinnslu. Platan inniheldur ellefu lög og hefur tónlistinni verið lýst sem lágstemmdu nýrokki í líkingu við hljómsveitir eins og Coldplay, Radiohead, Elbow og Jeff Buckley. Þegar hafa nokkur lög af plötunni hljómað í útvarpi við töluverðar vinsældir.Eitt ár í upptökumHljómsveitin annaðist sjálf upptökustjórn og upptökur plötunnar í hljóðveri sínu, Stúdíó Sorpu. Hinn reyndi hljóðmaður og upptökustjóri Óskar Páll Sveinsson sá um hljóðblöndun og eftirvinnslu.Söngvarinn Beggi Dan játar að upptökurnar hafi staðið alltof lengi yfir. „Ég held að upptökuferlið hafi tekið um eitt ár. Við vorum að gera þetta á kvöldin og um helgar í stúdíói sem við byggðum í kringum þetta,“ segir Beggi.Mannlegra elementShadow Parade var stofnuð í janúar árið 2004 af Begga og Jóni Gunnari Margeirssyni. Upphaflega var hljómsveitin rafdúett en seinna meir bættust bræðurnir Andri og Magnús Magnússynir í hópinn og áherslan var færð á rokk og ról. Síðan þá hafa þeir Örn Eldjárn og Bjarni Margeirsson gengið til liðs við sveitina. „Við byrjuðum í lágstemmdri elektróník. Lögin sem eru á plötunni eru flest til í þeim útsetningum. Við vorum tveir í þessu þá en okkur langaði til að fá meira mannlegt element í þetta og fengum bræðurna Andra og Magna. Þá var stemningin allt öðruvísi,“ segir Beggi. „Sum lögin á plötunni eru orðin fimm til sex ára gömul. Við höfum náð að móta þau og þróa eins og við viljum hafa þau.“ Áhugasamir upptökustjórarÞrír erlendir upptökustjórar hafa sýnt Shadow Parade áhuga og vilja taka upp næstu plötu sveitarinnar. Á meðal þeirra er Andy Johns sem hefur unnið með frægum sveitum á borð við Led Zeppelin við plötuna IV og The Rolling Stones er þeir gerðu Exile on Main Street. Einnig hefur hann m.a. unnið með Jimi Hendrix, Rod Stewart og Van Halen. Hinir tveir upptökustjórarnir hafa unnið með stórum nöfnum á borð við Korn, Metallica, Guns N"Roses og Low. „Við erum að hugsa um að gera næstu plötu öðruvísi og fá aðstoð. Við viljum gera þetta á einum þéttum mánuði,“ segir Beggi og bætir því við að sveitin sé þegar farin að semja lög á þá plötu. Til Bandaríkjanna í marsErlend útgáfufyrirtæki hafa einnig sýnt hljómsveitinni áhuga og vilja dreifa plötunni. Kemur hún væntanlega út erlendis í tveimur til þremur löndum eftir áramót.Útgáfutónleikar Shadow Parade verða í Tjarnarbíói hinn 18. nóvember. Í mars á næsta ári eru síðan fyrirhugaðir tónleikar í þremur borgum í Bandaríkjunum, þar á meðal New York.Þess má geta að málverk eftir myndlistarmanninn Þránd Þórarinsson sem hefur verið í læri hjá hinum heimsfræga málara Odd Nerdrum prýðir umslag nýju plötunnar en listakonan Tinna Kirsuber sá um aðra listsköpun.
Menning Mest lesið Norah Jones: Tíminn stóð í stað þar til ljóskastarinn vakti mann Gagnrýni „Þvílíkur fílingur bara“ Lífið „Fólk sleppur ekkert auðveldlega frá mér“ Lífið Vonbrigði að aðeins tvær konur komi fram á Kótelettunni Lífið Einbýli í Breiðholti úr smiðju Rutar Kára Lífið Staðfesta sambandsslitin Lífið Umboðsmaður Jenner lést af slysförum Lífið Mun aldrei líta á ástina sem sjálfsagða Makamál Rósa og Hersir orðin foreldrar Lífið Anna Guðný fann ástina í faðmi kraflyftingamanns Lífið Fleiri fréttir „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Ástardúett Stuðmanna í nýjum búning Trúlofuðu sig á sama stað og þau byrjuðu saman Frumflutti nýtt lag á FM957: „Þetta er bara winning lag“ Cave vildi ekki taka þátt í „kjánalegri langloku“ Morrissey gegn „vók“ Tónlistarhátíðinni Lóu aflýst Eltir draumana og þarf að færa fórnir Brian Wilson látinn „Ég var ekki að búast við því að gráta svona“ Keyrði frá Sauðárkróki í Garðabæ fyrir einn gítartíma Heldur sér við efnið og burt frá efnunum Þykja skuggalega lík Fleetwood Mac „Okkur var ekkert cancelað, nema hann bara gerði það sjálfur“ Heitustu rapparar landsins í eina sæng Sjá meira