Kvöld söngvaskálda

Efnt verður til söngvaskáldakvölds á veitingastaðnum Domo í Þingholtsstræti í kvöld. Þar munu tónskáld, textahöfundar og flytjendur ólíkra kynslóða skiptast á að prufukeyra nýtt frumsamið efni og síðan verður efnt til spunatíðar þar sem Eyþór Gunnarsson, Einar Scheving, Óskar Guðjónsson og Róbert Þórhallsson annast undir- eða meðleik.

Skipuleggjendur og bakhjarlar söngvaskáldakvöldanna eru Félag tónskálda og textahöfunda, Félag íslenskra hljómlistarmanna og eigendur Domo.

Dagskráin hefst kl. 21, aðgangur er ókeypis og öllum heimill meðan húsrúm leyfir.