Bílakóngurinn DeLorean allur

John Z. DeLorean, eigandi bílaframleiðandans DeLorean, lést sunnudaginn 20. mars. DeLorean fæddist árið 1925 og þótt hans þekkta fyrirtæki hafi aðeins framleitt 8.900 bíla og tapað milljónum þá lifði hann eins og konungur. De Lorean átti í fjölmörgum ástarsamböndum við fyrirsætur og kvikmyndastjörnur og um hann hafa verið skrifaðar að minnsta kosti fimm bækur. Bandarískir fræðimenn telja að hefði hann fæðst fimmtíu árum fyrr þá hefði hann getað byggt upp eitt öflugasta bílafyrirtæki Bandaríkjanna. En hvað um það. DeLorean nafnið er frægt enn þann dag í dag, án vefa vegna þess að DeLorean DMC-12 bíll var notaður í myndunum Back to the Future sem skartaði meðal annarra stjörnunni Michael J. Fox. Þó að fáir bílar hafi verið framleiddir og um sex þúsund séu enn í lagi í dag, þá er enn mikil eftirspurn eftir DoLorean bílnum og voru meðal annars tólf slíkir boðnir upp á eBay daginn sem hann dó. DeLorean stofnaði verksmiðju sína árið 1975 en stórt fíkniefnahneyksli varð veldi hans að falli.