Algjör food&fun stemning

"Stemning verður algjörlega food og fun hjá okkur alla helgina," segir Guðvarður Gíslason veitingamaður í Apótekinu. Í kvöld verður Food&Fun partý eftir matinn á veitingastaðnum þar sem Eyjólfur Kristjánsson og Jón Ólafsson tónlistarmenn ætla að spila fyrir gesti. "Við verðum með topp stemningu enda hafa gestakokkarnir sótt hingað í Apótekið. Þetta er stór staður og hér geta þeir hist þegar þeir eru búnir að vinna," segir Guðvarður, betur þekktur sem Guffi.

Á föstudagskvöldið verður mikil diskó stemning eftir matinn en þá kemur plötusnúður og heldur uppi fjörinu. "Við erum að bjóða nýja kokteil-línu í kringum þessa matarhátíð. Línan heitir Shake shake shake, eða Hristu hann sjálfur en gestir sem panta sér kokteila fá hristara á borðið hjá sér og búa þá til sjálfir," segir Guffi og bætir við að þetta sé það vinsælasta í Ameríku í dag.

Lestu meira í tímaritinu Magasín sem fylgir DV í dag.