Umfjöllun, viðtöl, einkunnir og myndir: FH - Stjarnan 4-0 | FH-ingar niðurlægðu Íslandsmeistarana Kristinn Páll Teitsson í Kaplakrika skrifar 17. ágúst 2015 09:59 Vísir/anton FH niðurlægði Íslandsmeistarana í Stjörnunni í kvöld með öruggum 4-0 sigri í Kaplakrika í 16. umferð Pepsi-deildarinnar. Andleysi einkenndi leik gestanna úr Garðabænum og nýttu FH-ingar sér það vel. FH þurfti á þremur stigum að halda í toppbaráttu Pepsi-deildarinnar en á sama tíma eru ríkjandi Íslandsmeistarar Stjörnunnar um miðja deild. Var þetta í fyrsta sinn sem liðin mættust í Kaplakrika frá 2-1 sigri Stjörnunnar í október síðastliðnum þar sem Stjarnan tryggði sér Íslandsmeistaratitilinn á kostnað FH með marki í uppbótartíma.Anton Brink, ljósmyndari Fréttablaðsins og Vísis, var á vellinum og tók myndirnar sem fylgja fréttinni. FH-ingar voru með yfirburði á öllum sviðum knattspyrnunnar í fyrri hálfleik en andlausir Stjörnumenn ógnuðu ekki marki FH-inga í eitt skipti. Kom besta tilraun Garðbæinga úr tilviljunakenndu skoti fyrir utan vítateig FH-inga. Fyrsta mark leiksins kom eftir aðeins ellefu mínútur en þar var að verki markahrókurinn Atli Viðar Björnsson. Datt þá boltinn fyrir Atla í vítateig Stjörnunnar eftir fyrirgjöf Böðvars Böðvarssonar og Atli lék á miðvörð Stjörnunnar og renndi boltanum í hornið. Rúmlega tíu mínútum síðar bætti Bjarni Þór Viðarsson við öðru marki FH af stuttu færi og aftur var það eftir fyrirgjöf Böðvars. Böðvar átti þá aukaspyrnu sem fór inn á markteig og þaðan stýrði Bjarni boltanum í þaknetið. Rúnar Páll Sigmundsson, þjálfari Stjörnunnar virtist hafa vakið leikmenn sína til lífsins fyrstu mínútur seinni hálfleiks en leikmenn liðsins virtust loksins tilbúnir að berjast. Sú barátta entist hinsvegar ekki lengi en eftir þriðja mark FH dó allur baráttuandi í Stjörnuliðinu. Atli Guðnason komst þá á blað með laglegu skoti af vítapunktinum. Stýrði hann boltanum í netið eftir fyrirgjöf og gerði endanlega út um leikinn. Þrátt fyrir skiptingar vöknuðu Stjörnumenn ekki til lífsins og bættu FH við fjórða marki sínu í leiknum um miðbik hálfleiksins með einu af fallegustu mörkum sumarsins. Sundurspiluðu leikmenn FH gestina úr Garðabæ sem endaði á því að Atli Guðnason sendi fyrirgjöf á Emil Pálsson sem stangaði boltann í netið af stuttu færi. Eftir fjórða mark FH datt allur kraftur úr leiknum og sigldu FH-ingar sigrinum örugglega heim. Afar sannfærandi sigur og setja FH-ingar pressu á KR sem á leik gegn ÍBV í Vestmannaeyjum á fimmtudaginn. Það var lítil ógn við mark FH í leiknum en þetta var í fyrsta skiptið síðan 7. júní sem FH-liðið hélt hreinu í leik í Pepsi-deildinni. Liðið var afar sannfærandi í varnarleiknum og hefði getað bætt við fleiri mörkum hefðu þeir þurft þess. Aftur á móti er ekki sjón að sjá Stjörnuliðið í ár ef miðað er við tímabilið í fyrra. Það var enginn kraftur í leik liðsins í kvöld og virðast leikmenn liðsins einfaldlega vera að bíða eftir að tímabilinu ljúki. Stigasöfnun liðsins fyrstu vikurnar gerir það að verkum að sæti liðsins í Pepsi-deildinni er líklegast tryggt en með spilamennsku á borð við þá sem boðið var upp á í kvöld mun liðið ekki bæta við mörgum stigum.Atli Guðna: Innst inni vildu menn svara fyrir leikinn í fyrra „Þetta eru bara þrjú stig eins og öll hin en það er vissulega gott að spila jafn vel og við gerðum í dag,“ sagði Atli Guðnason, besti leikmaður vallarins í kvöld. „Við erum búnir að vera á hálfum hraða mikið í sumar en loksins tókst okkur að spila vel allar nítíu mínútur leiksins. Þetta var besta spilamennska okkar í deildinni í sumar allaveganna.“ Atli sagði að leikur liðanna á síðasta tímabili hefði nýst liðinu vel við undirbúninginn. „Innst inni vildu menn svara fyrir það sem gerðist í fyrra og þetta situr auðvitað að einhverju leyti í mönnum. Þetta var gott tilefni til þess að svara fyrir tapið í fyrra.“ Atli gerði endanlega út um leikinn í seinni hálfleik með þriðja marki FH og lagði síðar upp fjórða mark liðsins. „Þriðja markið kláraði leikinn, það er alltaf hættulegt að vera með tveggja marka forskot. Svo var bara boðið upp á smá samba í fjórða markinu,“ sagði Atli léttur.Jóhann: Vantaði allan neista í okkar leik „Þetta er ekki byrjunin sem ég vildi, þetta var alveg hræðilegt,“ sagði Jóhann Laxdal, niðurlútur eftir leikinn. Jóhann lék sinn fyrsta leik í byrjunarliði Stjörnunnar í ár en átti ásamt liðsfélögum sínum í töluverðum vandræðum í leiknum. „Við mættum bara ekki til leiks. Við einfaldlega buðum þeim upp á þessi mörk sem þeir skoruðu og það vantaði allan neista í okkar leik,“ sagði Jóhann sem tók undir að þetta hefði verið lélegasti leikur liðsins í sumar. „Það er erfitt að koma í viðtöl eftir svona en þetta var sennilega lélegasti leikurinn okkar í sumar. Andleysið í okkar leik var ótrúlegt.“ Jóhann sagði að undirbúningur liðsins hefði ekki gefið til kynna að leikurinn færi slíkt og hann gerði. „Við ætluðum ekki að leyfa þeim að valta yfir okkur en þeir gerðu það og við gátum ekkert gert í því. Við fengum smá neista í leik okkar í lok fyrri hálfleiks en þeir svöruðu með marki í byrjun seinni hálfleiks.“ Jóhann viðurkenndi að það hefði verið gott að leika í fyrsta sinn í langan tíma í nítíu mínútur. „Það er það eina jákvæða í þessu. Það var gott fyrir lungun að fá að hlaupa og kynnast fótbolta aftur en það var það eina jákvæða í þessu. Leiðin liggur aðeins upp á við eftir þetta.“vísir/antonHeimir: Nýttum kantana vel „Jú ætli það ekki, það hefur verið góður stígandi í þessu undanfarnar vikur,“ sagði Heimir Guðjónsson, þjálfari FH, aðspurður hvort spilamennska liðsins í kvöld hefði verið sú besta á tímabilinu. „Við spiluðum vel í kvöld og þetta var sennilega ein af þeim bestu í sumar. Við náðum að láta boltann ganga mjög vel og vorum að nýta kantana vel í kvöld.“ FH hélt hreinu í fyrsta sinn í rúmlega tvo mánuði og var Heimir ánægður með það. „Það var jákvætt að halda markinu hreinu. Mér fannst þeir ekki skapa mikið og það var líka jákvætt að ná að loka á sóknarleik þeirra.“ Heimir tók undir að leikur liðanna í fyrra hefði auðveldað undirbúninginn fyrir leikinn í kvöld. „Hann spilaði auðvitað inn í þetta allt saman. Það voru allir meðvitaðir um hvað þyrfti að gera hérna í kvöld.“ Með sigrinum náðu FH-ingar sex stiga forskoti á KR sem á leik til góða en Breiðablik er fjórum stigum á eftir FH. „Við settum meiri pressu á KR-ingana fyrir leikinn á fimmtudaginn, það munar sex stigum á okkur í dag. Það verður spennandi barátta næstu sex vikurnar og Breiðablik er búið að blanda sér á fullu í baráttuna.“Atli Guðnason var öflugur í kvöld.vísir/antonJóhann og félagar hafa ollið miklum vonbrigðum í sumar.vísir/antonFH-ingar eru með fjögurra stiga forskot á toppi deildarinnar.vísir/anton Pepsi Max-deild karla Mest lesið „Andlitið á mér var afmyndað“ Fótbolti Stálheppinn að vera á lífi og gæti snúið aftur með Aroni Fótbolti Jake Paul keppir í 135 milljóna króna stuttbuxum gegn Tyson Sport Býðst til þess að gefa þjófnum gullið í arf Sport „Pep Guardiola eyðilagði fótboltann“ Enski boltinn Óvænt alveg hættur Fótbolti Favre opinberar baráttu við Parkinsons: „Fékk þúsundir heilahristinga“ Sport Drukkinn undir stýri og enn í „lederhosen“ Fótbolti Krefjast aðgerða vegna verðlaunahafa Hvít-Rússa Sport Í beinni: KA - HK | Hve kröftug er bikarþynnkan? Íslenski boltinn Fleiri fréttir Óvíst hvort Tryggvi Hrafn verði meira með Val á leiktíðinni Í beinni: KA - HK | Hve kröftug er bikarþynnkan? Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Sjá meira
FH niðurlægði Íslandsmeistarana í Stjörnunni í kvöld með öruggum 4-0 sigri í Kaplakrika í 16. umferð Pepsi-deildarinnar. Andleysi einkenndi leik gestanna úr Garðabænum og nýttu FH-ingar sér það vel. FH þurfti á þremur stigum að halda í toppbaráttu Pepsi-deildarinnar en á sama tíma eru ríkjandi Íslandsmeistarar Stjörnunnar um miðja deild. Var þetta í fyrsta sinn sem liðin mættust í Kaplakrika frá 2-1 sigri Stjörnunnar í október síðastliðnum þar sem Stjarnan tryggði sér Íslandsmeistaratitilinn á kostnað FH með marki í uppbótartíma.Anton Brink, ljósmyndari Fréttablaðsins og Vísis, var á vellinum og tók myndirnar sem fylgja fréttinni. FH-ingar voru með yfirburði á öllum sviðum knattspyrnunnar í fyrri hálfleik en andlausir Stjörnumenn ógnuðu ekki marki FH-inga í eitt skipti. Kom besta tilraun Garðbæinga úr tilviljunakenndu skoti fyrir utan vítateig FH-inga. Fyrsta mark leiksins kom eftir aðeins ellefu mínútur en þar var að verki markahrókurinn Atli Viðar Björnsson. Datt þá boltinn fyrir Atla í vítateig Stjörnunnar eftir fyrirgjöf Böðvars Böðvarssonar og Atli lék á miðvörð Stjörnunnar og renndi boltanum í hornið. Rúmlega tíu mínútum síðar bætti Bjarni Þór Viðarsson við öðru marki FH af stuttu færi og aftur var það eftir fyrirgjöf Böðvars. Böðvar átti þá aukaspyrnu sem fór inn á markteig og þaðan stýrði Bjarni boltanum í þaknetið. Rúnar Páll Sigmundsson, þjálfari Stjörnunnar virtist hafa vakið leikmenn sína til lífsins fyrstu mínútur seinni hálfleiks en leikmenn liðsins virtust loksins tilbúnir að berjast. Sú barátta entist hinsvegar ekki lengi en eftir þriðja mark FH dó allur baráttuandi í Stjörnuliðinu. Atli Guðnason komst þá á blað með laglegu skoti af vítapunktinum. Stýrði hann boltanum í netið eftir fyrirgjöf og gerði endanlega út um leikinn. Þrátt fyrir skiptingar vöknuðu Stjörnumenn ekki til lífsins og bættu FH við fjórða marki sínu í leiknum um miðbik hálfleiksins með einu af fallegustu mörkum sumarsins. Sundurspiluðu leikmenn FH gestina úr Garðabæ sem endaði á því að Atli Guðnason sendi fyrirgjöf á Emil Pálsson sem stangaði boltann í netið af stuttu færi. Eftir fjórða mark FH datt allur kraftur úr leiknum og sigldu FH-ingar sigrinum örugglega heim. Afar sannfærandi sigur og setja FH-ingar pressu á KR sem á leik gegn ÍBV í Vestmannaeyjum á fimmtudaginn. Það var lítil ógn við mark FH í leiknum en þetta var í fyrsta skiptið síðan 7. júní sem FH-liðið hélt hreinu í leik í Pepsi-deildinni. Liðið var afar sannfærandi í varnarleiknum og hefði getað bætt við fleiri mörkum hefðu þeir þurft þess. Aftur á móti er ekki sjón að sjá Stjörnuliðið í ár ef miðað er við tímabilið í fyrra. Það var enginn kraftur í leik liðsins í kvöld og virðast leikmenn liðsins einfaldlega vera að bíða eftir að tímabilinu ljúki. Stigasöfnun liðsins fyrstu vikurnar gerir það að verkum að sæti liðsins í Pepsi-deildinni er líklegast tryggt en með spilamennsku á borð við þá sem boðið var upp á í kvöld mun liðið ekki bæta við mörgum stigum.Atli Guðna: Innst inni vildu menn svara fyrir leikinn í fyrra „Þetta eru bara þrjú stig eins og öll hin en það er vissulega gott að spila jafn vel og við gerðum í dag,“ sagði Atli Guðnason, besti leikmaður vallarins í kvöld. „Við erum búnir að vera á hálfum hraða mikið í sumar en loksins tókst okkur að spila vel allar nítíu mínútur leiksins. Þetta var besta spilamennska okkar í deildinni í sumar allaveganna.“ Atli sagði að leikur liðanna á síðasta tímabili hefði nýst liðinu vel við undirbúninginn. „Innst inni vildu menn svara fyrir það sem gerðist í fyrra og þetta situr auðvitað að einhverju leyti í mönnum. Þetta var gott tilefni til þess að svara fyrir tapið í fyrra.“ Atli gerði endanlega út um leikinn í seinni hálfleik með þriðja marki FH og lagði síðar upp fjórða mark liðsins. „Þriðja markið kláraði leikinn, það er alltaf hættulegt að vera með tveggja marka forskot. Svo var bara boðið upp á smá samba í fjórða markinu,“ sagði Atli léttur.Jóhann: Vantaði allan neista í okkar leik „Þetta er ekki byrjunin sem ég vildi, þetta var alveg hræðilegt,“ sagði Jóhann Laxdal, niðurlútur eftir leikinn. Jóhann lék sinn fyrsta leik í byrjunarliði Stjörnunnar í ár en átti ásamt liðsfélögum sínum í töluverðum vandræðum í leiknum. „Við mættum bara ekki til leiks. Við einfaldlega buðum þeim upp á þessi mörk sem þeir skoruðu og það vantaði allan neista í okkar leik,“ sagði Jóhann sem tók undir að þetta hefði verið lélegasti leikur liðsins í sumar. „Það er erfitt að koma í viðtöl eftir svona en þetta var sennilega lélegasti leikurinn okkar í sumar. Andleysið í okkar leik var ótrúlegt.“ Jóhann sagði að undirbúningur liðsins hefði ekki gefið til kynna að leikurinn færi slíkt og hann gerði. „Við ætluðum ekki að leyfa þeim að valta yfir okkur en þeir gerðu það og við gátum ekkert gert í því. Við fengum smá neista í leik okkar í lok fyrri hálfleiks en þeir svöruðu með marki í byrjun seinni hálfleiks.“ Jóhann viðurkenndi að það hefði verið gott að leika í fyrsta sinn í langan tíma í nítíu mínútur. „Það er það eina jákvæða í þessu. Það var gott fyrir lungun að fá að hlaupa og kynnast fótbolta aftur en það var það eina jákvæða í þessu. Leiðin liggur aðeins upp á við eftir þetta.“vísir/antonHeimir: Nýttum kantana vel „Jú ætli það ekki, það hefur verið góður stígandi í þessu undanfarnar vikur,“ sagði Heimir Guðjónsson, þjálfari FH, aðspurður hvort spilamennska liðsins í kvöld hefði verið sú besta á tímabilinu. „Við spiluðum vel í kvöld og þetta var sennilega ein af þeim bestu í sumar. Við náðum að láta boltann ganga mjög vel og vorum að nýta kantana vel í kvöld.“ FH hélt hreinu í fyrsta sinn í rúmlega tvo mánuði og var Heimir ánægður með það. „Það var jákvætt að halda markinu hreinu. Mér fannst þeir ekki skapa mikið og það var líka jákvætt að ná að loka á sóknarleik þeirra.“ Heimir tók undir að leikur liðanna í fyrra hefði auðveldað undirbúninginn fyrir leikinn í kvöld. „Hann spilaði auðvitað inn í þetta allt saman. Það voru allir meðvitaðir um hvað þyrfti að gera hérna í kvöld.“ Með sigrinum náðu FH-ingar sex stiga forskoti á KR sem á leik til góða en Breiðablik er fjórum stigum á eftir FH. „Við settum meiri pressu á KR-ingana fyrir leikinn á fimmtudaginn, það munar sex stigum á okkur í dag. Það verður spennandi barátta næstu sex vikurnar og Breiðablik er búið að blanda sér á fullu í baráttuna.“Atli Guðnason var öflugur í kvöld.vísir/antonJóhann og félagar hafa ollið miklum vonbrigðum í sumar.vísir/antonFH-ingar eru með fjögurra stiga forskot á toppi deildarinnar.vísir/anton
Pepsi Max-deild karla Mest lesið „Andlitið á mér var afmyndað“ Fótbolti Stálheppinn að vera á lífi og gæti snúið aftur með Aroni Fótbolti Jake Paul keppir í 135 milljóna króna stuttbuxum gegn Tyson Sport Býðst til þess að gefa þjófnum gullið í arf Sport „Pep Guardiola eyðilagði fótboltann“ Enski boltinn Óvænt alveg hættur Fótbolti Favre opinberar baráttu við Parkinsons: „Fékk þúsundir heilahristinga“ Sport Drukkinn undir stýri og enn í „lederhosen“ Fótbolti Krefjast aðgerða vegna verðlaunahafa Hvít-Rússa Sport Í beinni: KA - HK | Hve kröftug er bikarþynnkan? Íslenski boltinn Fleiri fréttir Óvíst hvort Tryggvi Hrafn verði meira með Val á leiktíðinni Í beinni: KA - HK | Hve kröftug er bikarþynnkan? Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Sjá meira