Evoque fær tvær nýjar dísilvélar Finnur Thorlacius skrifar 24. febrúar 2015 10:47 range Rover Evoque. Nú keppast bílaframleiðendur að upplýsa um hvaða nýjungar þeir munu sýna á bílasýningunni í Genf, en hún hefst í byrjun næsta mánaðar. Meðal bíla frá JLR Land Rover á sýningunni verður Range Rover Evoque, minnsti Range Rover bróðurinn, og hefur hann nú fengið tvo nýja vélarkosti. Það eru tvær 147 og 177 hestafla Ingenium vélar, en báðar eu þær með 2,0 lítra sprengiurými. Þessar vélar eru mjög eyðslugrannar og segja þeir hjá Land Rover að sú aflminni eyði aðeins 3,5 lítrum og sú aflmeiri 4,0 lítrum á hverja hundrað kílómetra. Er það fáheyrt með jeppa, þó smár sé. Bætingin í eyðslu nemur 18%. Verður þessi Evoque fyrir vikið eyðslugrennsti bíll sem Land Rover hefur framleitt. Þessar nýju vélar eru 20 og 30 kg léttari en sú minnsta sem áður hefur sést í Range Rover Evoque. Níu gíra sjálfskipting verður tengd þessum vélum, en einnig má fá með þeim 6 gíra beinskiptingu. Þessar nýju vélar verða einnig í boði í Jaguar XE, minnsta framleiðslubíl Jaguar. Búast má við því að Range Rover Evoque muni með þessum nýju vélum lækka nokkuð í verði hér á landi vegna lágrar eyðslu og lítillar mengunar en verð stýrist hér mjög af CO2 mengun bíla. Mest lesið Rússar gerðir afturreka með óvæntar tillögur á allsherjarþingi SÞ Erlent Gekk nakinn í veg fyrir bíla á Suðurlandsvegi Innlent Fimmti hver myndi helst velja að flytja til Danmerkur Innlent Tilkynnt um helst til ungan ökumann Innlent Ómetanleg vinátta eftir lífsbjörg Innlent Trump útilokar að bjóða sig fram aftur Erlent Ánægður með frumvarp sjálfstæðismanna Innlent Jafnaðarmenn báru nauman sigur úr býtum Erlent Starfsmenn flýja framboð Robinson eftir „svartur nasisti“-hneykslið Erlent Ísraelar ráðast í umfangsmiklar loftárásir og hvetja íbúa til að flýja Erlent
Nú keppast bílaframleiðendur að upplýsa um hvaða nýjungar þeir munu sýna á bílasýningunni í Genf, en hún hefst í byrjun næsta mánaðar. Meðal bíla frá JLR Land Rover á sýningunni verður Range Rover Evoque, minnsti Range Rover bróðurinn, og hefur hann nú fengið tvo nýja vélarkosti. Það eru tvær 147 og 177 hestafla Ingenium vélar, en báðar eu þær með 2,0 lítra sprengiurými. Þessar vélar eru mjög eyðslugrannar og segja þeir hjá Land Rover að sú aflminni eyði aðeins 3,5 lítrum og sú aflmeiri 4,0 lítrum á hverja hundrað kílómetra. Er það fáheyrt með jeppa, þó smár sé. Bætingin í eyðslu nemur 18%. Verður þessi Evoque fyrir vikið eyðslugrennsti bíll sem Land Rover hefur framleitt. Þessar nýju vélar eru 20 og 30 kg léttari en sú minnsta sem áður hefur sést í Range Rover Evoque. Níu gíra sjálfskipting verður tengd þessum vélum, en einnig má fá með þeim 6 gíra beinskiptingu. Þessar nýju vélar verða einnig í boði í Jaguar XE, minnsta framleiðslubíl Jaguar. Búast má við því að Range Rover Evoque muni með þessum nýju vélum lækka nokkuð í verði hér á landi vegna lágrar eyðslu og lítillar mengunar en verð stýrist hér mjög af CO2 mengun bíla.
Mest lesið Rússar gerðir afturreka með óvæntar tillögur á allsherjarþingi SÞ Erlent Gekk nakinn í veg fyrir bíla á Suðurlandsvegi Innlent Fimmti hver myndi helst velja að flytja til Danmerkur Innlent Tilkynnt um helst til ungan ökumann Innlent Ómetanleg vinátta eftir lífsbjörg Innlent Trump útilokar að bjóða sig fram aftur Erlent Ánægður með frumvarp sjálfstæðismanna Innlent Jafnaðarmenn báru nauman sigur úr býtum Erlent Starfsmenn flýja framboð Robinson eftir „svartur nasisti“-hneykslið Erlent Ísraelar ráðast í umfangsmiklar loftárásir og hvetja íbúa til að flýja Erlent