Vendipunktar Valgerðar 21. október 2006 11:00 Fer frjálslega með Miðilinn Valgerður Hauksdóttir myndlistarmaður sýnir í Hafnarborg. MYND/GVA Valgerður Hauksdóttir grafíklistamaður sýnir verk sín í sölum Hafnarborgar þessa dagana. Sýningin „Vendipunktar" ber nafn sitt með rentu en á sýningunni hefur listamaðurinn valið verk sem hafa haft áhrif á þróun hennar. Valgerður sérhæfði sig í steinþrykki og ætingu en hún nam myndlist í Bandaríkjunum á sínum tíma og hefur kennt grafíklist hér á landi auk þess að vera gestakennari eða fyrirlesari við háskóla í Evrópu og Bandaríkjunum. Á dögunum kom einnig út bók um grafíklist í Bretlandi eftir listfræðinginn Richard Noyce, Printmaking on the Edge, þar sem fjallað er um verk Valgerðar. „Yfirskrift sýningarinnar nú er bæði hugmyndafræðileg og sálræn," útskýrir Valgerður. „Ég sýni ákveðin atriði sem hafa breytt stefnunni hjá mér og verk sem verða því ákveðnir vendipunktar." Hún nefnir þar til dæmis nýja nýtingu myndflatarins. „Ég hef þróað mína eigin aðferð og fer frjálslega með miðilinn. Þannig eru verkin mín hálfgerðir hljóð- og pappírsskúlptúrar. Ég nýti myndflötinn eins og skúlptúr í stað þess að þrykkja myndinni á hefðbundinn hátt. Verkin ættu eðli málsins samkvæmt að vera í upplagi en eru í raun einstök verk, þau hanga í sýningarrýminu og fólk getur séð þau báðum megin. Ljós og skuggar skipa þannig jafn mikinn sess og myndefnið sjálft. Á efri hæð sýnir Valgerður ný verk unnin á tímabilinu 2003 til 2006, ljósmyndir og grafíkverk unnin með blandaðri tækni. Á neðri hæð, í Sverrissal, gefur að líta kynningu á hugmyndum og aðferðum er liggja að baki myndsköpun Valgerðar. Áhersla er lögð á hinn fræðandi þátt og nokkur lykilverk er hafa haft áhrif á þróun verka Valgerðar og er elsta verkið frá 1983. Um áhrifavalda sína og innblástur segir Valgerður að bakgrunnur sinn í náttúrufræðum og tónlist hafi töluverð áhrif á listsköpun hennar. „Það hefur til dæmis áhrif á myndbygginguna enda er heilmikill taktur eða púls í verkunum," segir hún og bendir á að á sýningunni nú séu tvö hljóðverk sem tónskáld hafa samið sérstaklega fyrir verk hennar. Valgerður lauk tónlistarnámi á sama tíma og hún kláraði myndlistarnámið og segir þá reynslu hafa nýst vel. „Það er auðveldara að skynja abstrakt hugsun þegar maður vísar til tónlistarinnar. Það er erfiðara þegar fólk sér eitthvað sem það getur tengt við það sem það hefur séð fyrir. Stundum er gott að geta slökkt á því sem við þekkjum og notið hlutanna eins og þeir eru." Sýningin í Hafnarborg stendur til 30. október. Menning Mest lesið Magnaðar myndir af lengstu á landsins Lífið Kristófer Helga í veikindaleyfi Lífið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Segir Murphy gera lítið úr kynferðisofbeldi Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Valgerður Hauksdóttir grafíklistamaður sýnir verk sín í sölum Hafnarborgar þessa dagana. Sýningin „Vendipunktar" ber nafn sitt með rentu en á sýningunni hefur listamaðurinn valið verk sem hafa haft áhrif á þróun hennar. Valgerður sérhæfði sig í steinþrykki og ætingu en hún nam myndlist í Bandaríkjunum á sínum tíma og hefur kennt grafíklist hér á landi auk þess að vera gestakennari eða fyrirlesari við háskóla í Evrópu og Bandaríkjunum. Á dögunum kom einnig út bók um grafíklist í Bretlandi eftir listfræðinginn Richard Noyce, Printmaking on the Edge, þar sem fjallað er um verk Valgerðar. „Yfirskrift sýningarinnar nú er bæði hugmyndafræðileg og sálræn," útskýrir Valgerður. „Ég sýni ákveðin atriði sem hafa breytt stefnunni hjá mér og verk sem verða því ákveðnir vendipunktar." Hún nefnir þar til dæmis nýja nýtingu myndflatarins. „Ég hef þróað mína eigin aðferð og fer frjálslega með miðilinn. Þannig eru verkin mín hálfgerðir hljóð- og pappírsskúlptúrar. Ég nýti myndflötinn eins og skúlptúr í stað þess að þrykkja myndinni á hefðbundinn hátt. Verkin ættu eðli málsins samkvæmt að vera í upplagi en eru í raun einstök verk, þau hanga í sýningarrýminu og fólk getur séð þau báðum megin. Ljós og skuggar skipa þannig jafn mikinn sess og myndefnið sjálft. Á efri hæð sýnir Valgerður ný verk unnin á tímabilinu 2003 til 2006, ljósmyndir og grafíkverk unnin með blandaðri tækni. Á neðri hæð, í Sverrissal, gefur að líta kynningu á hugmyndum og aðferðum er liggja að baki myndsköpun Valgerðar. Áhersla er lögð á hinn fræðandi þátt og nokkur lykilverk er hafa haft áhrif á þróun verka Valgerðar og er elsta verkið frá 1983. Um áhrifavalda sína og innblástur segir Valgerður að bakgrunnur sinn í náttúrufræðum og tónlist hafi töluverð áhrif á listsköpun hennar. „Það hefur til dæmis áhrif á myndbygginguna enda er heilmikill taktur eða púls í verkunum," segir hún og bendir á að á sýningunni nú séu tvö hljóðverk sem tónskáld hafa samið sérstaklega fyrir verk hennar. Valgerður lauk tónlistarnámi á sama tíma og hún kláraði myndlistarnámið og segir þá reynslu hafa nýst vel. „Það er auðveldara að skynja abstrakt hugsun þegar maður vísar til tónlistarinnar. Það er erfiðara þegar fólk sér eitthvað sem það getur tengt við það sem það hefur séð fyrir. Stundum er gott að geta slökkt á því sem við þekkjum og notið hlutanna eins og þeir eru." Sýningin í Hafnarborg stendur til 30. október.
Menning Mest lesið Magnaðar myndir af lengstu á landsins Lífið Kristófer Helga í veikindaleyfi Lífið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Segir Murphy gera lítið úr kynferðisofbeldi Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira