Subaru WRX STI slær eigið met á Isle of Man hringnum Finnur Thorlacius skrifar 2. júlí 2014 11:30 Mark Higgins við Subaru WRX bíl sinn á eyjunni Mön. Bílaáhugafólk þekkir flest hina alræmdu Nordschleife kappakstursbraut í Þýskalandi en færri þekkja Isle of Man hringinn á eyjunni Mön enda er sú braut einungis notuð einu sinni á ári þegar venjulegum sveitavegum er lokað fyrir allsherjar kappakstur mótorhjóla og mótorhjóla með hliðarvögnum. Bílar eru hinsvegar sjaldséðir á brautinni. Subaru ruddi hinsvegar nýja braut og á dögunum fór Subaru til eyjarinnar með Subaru WRX STI í Ameríkuútgáfu til eyjarinnar og reyndi að slá fyrra met sitt frá 2011. Metið er jafnframt hraðamet á hringnum fyrir framleiðslubíl. Hringurinn á Mön er gríðarlega krefjandi. Ekið er á venjulegum sveitavegum, í gegnum þorp og yfir heiðar á hring sem er næstum því 60 kílómetra langur. Meðalhraðinn er langt yfir 160 km/klst þar sem ýmiskonar hættulegar hindranir verða á vegi ökumannsins; stökk, krappar beygjur og steinveggir eru víða auk þess sem áhorfendur standa víða við „brautina“. Að þessu sinni ók Mark Higgins bílnum og náði hann að bæta metið með því að aka þessa tæpu 60 kílómetra á 19 mínútum og 15 sekúndum með meðalhraðann 188 km/klst. Fyrra met Marks var 19 mínútur og 37 sekúndur og í þeirri ferð var Mark næstum því búinn að missa bílinn þegar ekið var á milli tveggja steinhleðslna. Mest lesið Ein kært nauðgun og fjórar segjast hafa verið beittar ofbeldi Innlent Gummi Emil feginn að ekki fór verr eftir misheppnaðan sveppatúr Innlent Efna til söfnunar fyrir móður Kolfinnu Eldeyjar Innlent Verið að fara fram á rannsókn, ekki þöggun Innlent Gekk nakinn í veg fyrir bíla á Suðurlandsvegi Innlent Manndráp í Kiðjabergi komið til saksóknara Innlent Situr undir gelti, urri og að vera kölluð api Innlent Bíða gagna og tjá sig lítið um rannsóknina á meðan Innlent Rússar gerðir afturreka með óvæntar tillögur á allsherjarþingi SÞ Erlent Brotist inn í tvær verslanir sömu nóttina Innlent
Bílaáhugafólk þekkir flest hina alræmdu Nordschleife kappakstursbraut í Þýskalandi en færri þekkja Isle of Man hringinn á eyjunni Mön enda er sú braut einungis notuð einu sinni á ári þegar venjulegum sveitavegum er lokað fyrir allsherjar kappakstur mótorhjóla og mótorhjóla með hliðarvögnum. Bílar eru hinsvegar sjaldséðir á brautinni. Subaru ruddi hinsvegar nýja braut og á dögunum fór Subaru til eyjarinnar með Subaru WRX STI í Ameríkuútgáfu til eyjarinnar og reyndi að slá fyrra met sitt frá 2011. Metið er jafnframt hraðamet á hringnum fyrir framleiðslubíl. Hringurinn á Mön er gríðarlega krefjandi. Ekið er á venjulegum sveitavegum, í gegnum þorp og yfir heiðar á hring sem er næstum því 60 kílómetra langur. Meðalhraðinn er langt yfir 160 km/klst þar sem ýmiskonar hættulegar hindranir verða á vegi ökumannsins; stökk, krappar beygjur og steinveggir eru víða auk þess sem áhorfendur standa víða við „brautina“. Að þessu sinni ók Mark Higgins bílnum og náði hann að bæta metið með því að aka þessa tæpu 60 kílómetra á 19 mínútum og 15 sekúndum með meðalhraðann 188 km/klst. Fyrra met Marks var 19 mínútur og 37 sekúndur og í þeirri ferð var Mark næstum því búinn að missa bílinn þegar ekið var á milli tveggja steinhleðslna.
Mest lesið Ein kært nauðgun og fjórar segjast hafa verið beittar ofbeldi Innlent Gummi Emil feginn að ekki fór verr eftir misheppnaðan sveppatúr Innlent Efna til söfnunar fyrir móður Kolfinnu Eldeyjar Innlent Verið að fara fram á rannsókn, ekki þöggun Innlent Gekk nakinn í veg fyrir bíla á Suðurlandsvegi Innlent Manndráp í Kiðjabergi komið til saksóknara Innlent Situr undir gelti, urri og að vera kölluð api Innlent Bíða gagna og tjá sig lítið um rannsóknina á meðan Innlent Rússar gerðir afturreka með óvæntar tillögur á allsherjarþingi SÞ Erlent Brotist inn í tvær verslanir sömu nóttina Innlent